Geet n Geetkaar

Mcpm

Public Hearing

Sawari Mukta core area

Pashupati Pancau dham

Waste n Gas Thimi

President, oLDeJ

Paryatan Marga

Aaletaar landfill site

Pm n me at reporting ex vuwan

lokmaarga

तिम्रो मन...

तिम्रो मन

-गोपीकृष्ण ढुंगाना

तिम्रो मन कस्तो कस्तो छैन मेरो जस्तो,
यस्तो लाग्छ बजारमा भए साह्रै सस्तो ।

मुस्कान छोड्न नपाउदै छुटाउथ्यौ हासो,
लठि्ठएछु हासो बन्यो जीवनको पासो ।
बादलभित्र झुल्के घाम लाग्छौ किन यस्तो,
तिम्रो मन कस्तो कस्तो छैन मेरो जस्तो ।

मन पराउने कति कति जवानीमा हुदा,
कुरें तिम्रै बाटो अरु मेरो सामू रुदा ।
छैनौं भनू आखाभरि बन्छ्यौ तृष्णा उस्तो,
तिम्रो मन कस्तो कस्तो छैन मेरो जस्तो ।

काव्य कुञ्ज, भक्तपुर

काव्यकुञ्ज डट कम

Uttaraayan

Uttaraayan-Fursad

Himal herdai kavita

pasupati area attrack

Boot Palis andolan

नेपाल चिहाइरहेछ दार्जिलिङ

by Gopi Krishna Dhungana

-गोपीकृष्ण ढुंगाना पथिक

अधरमा प्रकृति मुस्कान साचेर
टाइगर हिलबाट सूर्योदय स्वागतमा रम्दै,
अंगप्रत्यंगमा चियाका बुट्यानहरुमा
अनि शान्त अनुहारमा निर्दोषपन बटुल्दै
नेपाल चिहाइरहेछ दार्जिलिङ ।

देखिन्न दाग कतै, संवेदनशील तर स्नीग्ध
मुटुभरि आत्मविश्वासको पहाड बोकेर,
बिरानो भूमिमा आफ्नै संस्कृतिको दियो बाली
सन्तानका खुसी र सुखलाई काखी च्याप्दै
नेपाल चिहाइरहेछ दार्जिलिङ ।

मातृत्व र भातृत्वमा संसार देख्ने
घोत्लिएर हरपल भाषा र साहित्यमा भुल्दै,
सगरमाथाबाट कोसौं टाढा रहेर पनि
तेञ्जिङ र हिलारीलाई मुटुमा टास्दै
नेपाल चिहाइरहेछ दार्जिलिङ ।

झस्किन्छ, चस्किन्छ अनि पुःन व्युतिन्छ
लाखौंपटक मरिसकेको छ स्वतन्त्रताका लागि,
परम्परा र पहिचानको प्रमाणका लागि
रातदिन अनि दिनरात बर्बराउदै
नेपाल चिहाइरहेछ दार्जिलिङ ।

दुई प्राण एउटै श्वास बाच्ने प्रयासमा
नदीका दुई किनार भए पनि,
पागलपनबाट बौरिदै र भक्कानिदै
अन्ततः क्षितिजमा मिलनको संभावना बोकेर
नेपाल चिहाइरहेछ दार्जिलिङ ।

काव्य कुञ्ज, गठ्ठाघर, भक्तपुर ।
काव्यकुञ्ज डट कम
gopiji2065@gmail.com

VDC