Aafain Bhitra Samikshya Gita

जन्मेपछि...

जन्मेपछि... (गजल)

—गोपीकृष्ण ढुंगाना



जन्मेपछि मर्नैपर्छ किन मान्छौ डर ?

‘स्वार्थी’ बुझी दुनियाँको किन पर्छौ भर ?



अघाउञ्जेल खाऊ किसान, बाँकीमात्र बेच

अरुलाई नै पोस्ने भए आफू भोकै पर ।



लुगा सिउने दर्जी दाइ, लगाऊ आफू पैले

होइन भने नांगो बनी सेवामात्रै गर ।



जुत्ता सिउने सार्की दाइ, खुट्टा किन खाली ?

आराम दिने मात्रै भए तिमी बसाई सर ।



घर बनाई कर्मी दाइ, कति बाँड्छौ सुख ?

रात दिन खटे पनि छैन तिम्रो घर ।

अध्यक्ष, काव्यकुञ्जडटकम